Instagram-ийн коммент автоматжуулалт тохируулах

Эхлээд коммент бичсэн хүнд илгээх өрөлтөө бэлдэнэ. Өрөлт хэсэгт Шинээр үүсгэх дээр дарж, өрөлтөө нэрлэнэ (жишээ нь “Instagram хичээл”).

Өрөлт дотор хамгийн түрүүнд Мессежийн төрөл жагсаалтаас Instagram Comment Reply гэснийг сонгоно. Коммент автоматжуулалтад холбох өрөлтөд үүнийг заавал анхаарна.

Facebook-ийн коммент автоматжуулалтын хувьд Facebook Comment Reply гэснийг сонгоно.

Контент нэмэх дээр дарна. Текст, зураг гэх мэт контент нэмж болно. Энд пост дээр коммент бичсэн хүнд ямар мессеж илгээхийг тохируулна. Жишээ нь “Instagram хичээл үзэх заавар бичлэгүүдийн линк” гэж бичнэ.

Товчлуур нэмэх дээр дарж, товчлуурыг “Үзэх” гэж нэрлэнэ. Линк нээх тул Вэбсайт нээх гэснийг сонгоод, хуулж авсан линкээ (жишээ нь YouTube дээрх заавар бичлэгүүдийн линк) буулгаад Хадгалах дарна.

Өрөлт бэлэн болмогц Нийтлэх дарна.

Зүүн талын цэснээс Чадварууд хэсгийг нээж, Instagram коммент автоматжуулалт гэснийг сонгоно.

Шинээр үүсгэх дээр дарж, автоматжуулалтаа нэрлээд (жишээ нь “Заавар бичлэг”) Үргэлжлүүлэх дарна.

Track comments on хэсэгт хоёр сонголт байна:

• All Posts: бүх пост дээрээ ижил өрөлт, ижил мэдээлэл илгээнэ.
• Specific post: пост, reel тус бүрд тусдаа автоматжуулалт хийнэ.

Specific post гэснийг сонговол Сонгох дээр дарна. Published хэсэгт таны бүх пост болон reel харагдана. Хүссэн постоо (жишээ нь хамгийн сүүлд оруулсан постоо) сонгоод Үргэлжлүүлэх дарна.

Private reply to comment нь коммент бичсэн хүнд мессежээр очих хариулт юм. Дараах сонголтууд байна:

• AI агент: хиймэл оюун ухаан ашигладаг бол сонгоно.
• Текст: энгийн текст илгээнэ.
• Өрөлт: бэлдсэн өрөлтөө илгээнэ.
• Байхгүй: мессеж илгээхгүй.

Энэ жишээнд Өрөлт гэснийг сонгоод, саяны үүсгэсэн “Instagram хичээл” өрөлтөө сонгоно.

Public reply to comment нь коммент дор нь хариу (reply) үлдээх тохиргоо юм. Энд мөн AI агент, Текст, Өрөлт сонголтууд адилхан байна. Энэ жишээнд Байхгүй гэснийг сонгоно.

Reply to хэсэгт гурван сонголт байна:

• All comments: бүх комментод хариулна.
• Comments equal to: зөвхөн яг заасан үгийг бичсэн комментод хариулна. Жишээ нь “1” гэж тохируулбал зөвхөн “1” гэж бичсэн хүнд хариулж, өөр үг нэмж бичсэн комментод хариулахгүй.
• Comments that contain: заасан үг, тоог агуулсан бол өөр үгтэй хамт бичсэн ч хариулна.

Энэ жишээнд All comments гэснийг сонгоно.

Бусад сонголтууд хэсэгт чухал тохиргоонууд байна:

• Exclude comments with these keywords: энд бичсэн үгтэй (жишээ нь хараалын үг) комментод хариулахгүй.
• Hide comments with these keywords: асаавал эдгээр үгтэй комментыг автоматаар нууна.
• Only reply to new contacts: зөвхөн шинэ хэрэглэгч буюу пэйж рүү тань өмнө нь чат бичиж, пост дээр тань коммент үлдээж байгаагүй хүмүүст хариулна.
• Reply only once to each user in one post.: нэг пост дээр нэг хүнд зөвхөн нэг удаа, анхны комментод нь хариулна. 20-оос олон коммент бичсэн ч нэг л удаа хариулна.
• Reply to users who have already commented in others posts.: эхний сонголтын эсрэг. Таны пост дээр өмнө нь коммент бичиж байсан хэрэглэгчдэд хариулна.
• Don't reply to replies to comments.: коммент доор бичигдсэн reply-д хариулахгүй. Асааснаар ачааллаас сэргийлнэ.

Хамгийн доор байрлах Reply After хэсгээс хэдий хугацааны дараа хариулахаа сонгоно. Шууд эсвэл тодорхой хугацааны (жишээ нь 5, 10 секунд) дараа хариулж болно. Энэ жишээнд Шууд гэснийг сонгоно.

Хадгалах дарна. Автоматжуулалт тань жагсаалтад гарч ирэх бөгөөд Төлөв нь асаалттай байна. Одоогоор хэн ч коммент бичээгүй тул Хариултууд 0 байна.

Сонгосон пост дээрээ коммент бичиж туршина. Коммент бичсэн хүнд Instagram чатаар тохируулсан мессеж “Үзэх” товчтойгоо ирнэ.