Үйлчилгээгээ захиалж, төлбөрөө төлөх

Хамгийн түрүүнд Smartbot-ын Facebook пэйж рүү чат бичнэ. Smartbot-ын зөвлөгөө, тусламж бүгд Facebook пэйжээр дамжин явагддаг.

Жишээ нь, “Чатбот сонирхож байна” эсвэл “Чатбот авъя” гэж бичихэд хангалттай. Хариуд нь дараагийн алхмууд болон бүртгүүлэх холбоос ирнэ.

Үйлчилгээ авахын тулд эхлээд вэб сайтад бүртгүүлнэ. Бүртгүүлснээр танд нэхэмжлэл үүсэж, цаашид пэйжийнхээ үйлчилгээг сунгах боломжтой болно.

Ирсэн холбоос дээр дарж хэрэглэгчийн хэсгийн бүртгүүлэх хуудсыг нээнэ.

• Нэр, имэйл хаяг, утасны дугаараа оруулна.
• Байгууллагын пэйжид зориулж авч байгаа бол байгууллагын нэр, регистрийн дугаарыг бичнэ. Ингэснээр төлбөрийн баримт байгууллагын регистрийн дугаар дээр гарна.
• Хот, аймаг болон хаягийн мэдээллээ бөглөнө.
• Пэйжийнхээ нэрийг оруулна. Энэ бол хамгийн чухал талбар.

Төлбөрийн сануулга, нэхэмжлэл хүлээн авах мессежийн дугаараа оруулна. Энэ дугаар дээрх утасны дугаартай адил эсвэл өөр байж болно.

Нэхэмжлэл, төлбөрийн сануулга, сунгалтын мэдээлэл голчлон таны бүртгэлтэй имэйл болон энэ дугаар руу очдог. Тиймээс анхааралтай бөглөнө үү.

Нууц үгээ үүсгэж, үйлчилгээний нөхцөлийг зөвшөөрөөд Бүртгүүлэх дээр дарна.

Бүртгүүлсний дараа хэрэглэгчийн хэсэгт нэвтэрнэ. Өмнө нь бүртгүүлсэн бол шууд нэвтэрнэ.

Энд та үйлчилгээгээ захиалах, төлбөрийн нэхэмжлэлээ харах зэрэг үйлдлийг хийнэ.

Танд одоогоор үйлчилгээ байхгүй бол энэ тухай мэдэгдэл харагдана. Энэ үед Shop товчийг дарна.

Үндсэн платформын үйлчилгээ гарч ирнэ. Төлбөрийн хугацаагаа сонгоно: сараар, улирлаар, хагас жилээр эсвэл жилээр. Хугацаа тус бүрийн үнэ дэлгэц дээр харагдана.

Хагас жил болон нэг жилийн сонголт хямдралтай. Сар бүр нэхэмжлэл төлөх нь танд тохиромжгүй бол эдгээрийг сонгож болно.

Facebook-ээс гадна Instagram эсвэл вэб сайтдаа чатбот ашиглах бол нэмэлт платформ сонгоно. Нэмэлт платформ хямдралтай үнээр бодогдоно.

Таны сонголтоос хамааран нийт үнэ автоматаар бодогдоно.

Шаардлагатай бол дараах нэмэлт үйлчилгээг сонгоно.

• Өрөлт хийлгэх: өрөлтөө өөрөө хийж амжихгүй бол Smartbot-оор хийлгэж, чатботын мэдээллээ бэлтгүүлж болно. Энэ нь нэг удаагийн төлбөртэй. Үнэ нь тогтмол биш бөгөөд чатботын мэдээлэл их байх тусам ажлын хэмжээ нэмэгдэж, үнэ өөрчлөгдөж болно.
• Хиймэл оюун ухаан (AI): нэмэлт боломж тул сарын төлбөр дээр нэмэгдэж бодогдоно.
• Хиймэл оюун ухааныг сургах: заавар, зөвлөгөө авч өөрсдөө сургавал сургалтын төлбөр авахгүй. Smartbot-оор сургуулах бол нэг удаагийн нэмэлт төлбөртэй.
• Цаг захиалга: цаг захиалгын системийг мөн нэмж авах боломжтой.

Сонголтоо хийгээд доош гүйлгэж Үргэлжлүүлэх дээр дарна.

Купон код байвал оруулна. Байхгүй бол шууд тооцоо хийх алхам руу үргэлжлүүлнэ.

Бүртгэл тань хараахан баталгаажаагүй бол захиалга хийх үед баталгаажуулалт хүсэх цонх гарна. Таны бүртгэлтэй утасны дугаарт баталгаажуулах код ирнэ.

Кодоо оруулаад Шалгах дээр дарна. Код ирээгүй бол кодыг дахин авах, эсвэл Smartbot-ын Facebook пэйжээр дамжуулан туслах багтай холбогдох боломжтой.

Таны нэхэмжлэл үүснэ. Нэхэмжлэл дээр дараах мэдээлэл харагдана:

• Нэхэмжлэлийн дугаар, жишээ нь 9584
• Төлөх хугацаа
• Төлөв: Төлөгдөөгүй
• Банк, дансны дугаар, хүлээн авагч байгууллагын нэр

Заасан данс руу төлбөрөө шилжүүлнэ. Гүйлгээний утга дээр N үсгийн араас нэхэмжлэлийн дугаараа бичнэ, жишээ нь N9584.

Ингэж бичсэн төлбөрийг систем автоматаар тооцдог. Дараагийн сунгалтаа ч мөн ийм байдлаар төлбөл пэйж тань автоматаар сунгагдаж, чатбот тасралтгүй ажиллана.

Төлбөр орсны дараа нэхэмжлэлийн төлөв Төлөгдсөн болж өөрчлөгдөнө.

Дараа нь Smartbot-ын Facebook пэйж рүү нэхэмжлэлийнхээ дугаарыг бичиж, төлбөрөө төлснөө мэдэгдэнэ. Ингэснээр туслах багтай холбогдож, пэйжээ холбуулна.