Чатбот панел руу нэвтрэх

Пэйжийн холболтыг Smartbot-оор хийлгэсний дараа Smartbot-ын пэйжээс танд Messenger-ээр мессеж ирнэ. Мессежид холболт амжилттай болсныг мэдэгдэж, панел руу хэрхэн нэвтрэх зааврыг өгнө.

Дараагийн мессежээр Smartbot-ын хэрэглэгчдийн Facebook группийн холбоос ирнэ. Тэндээс анхан шатны бүх заавар, зөвлөгөөг авч, санал хүсэлтээ үлдээж болно.

1. Холбоос дээр дарж группээ нээнэ.
2. Группт нэгдэх хүсэлт илгээнэ.
3. Хүсэлт илгээхдээ Smartbot-той холбосон Facebook пэйжийнхээ нэрийг бичнэ.

Smartbot-ын админууд шалгаад хүсэлтийг тань зөвшөөрнө.

1. Мессеж дэх login.smartbot.mn хаягийг хуулж авна.
2. Браузерт шинэ таб нээнэ.
3. Хуулсан хаягаа буулгах эсвэл login.smartbot.mn гэж өөрөө бичээд Enter дарна.
4. Нэвтрэх хуудас гарвал нэвтрэх товчийг дарна.

Нэвтэрмэгц чатбот панел нээгдэнэ. Энэ бол таны удирдлагын хэсэг юм. Чатботынхоо мэдээллийг бэлдэх, чатботоо удирдах зэрэг бүх ажлаа энд хийнэ.

Зүүн дээд буланд пэйжийн тань нэр харагдана. Хэд хэдэн пэйж холбосон бол нэр дээр дарж пэйжүүдийнхээ хооронд шилжинэ.

1. Баруун дээд буланд байрлах профайлын дүрс дээр дараад Миний профайл гэснийг сонгоно.
2. My Accounts таб дээр тантай холбоотой бүх пэйжийн мэдээлэл харагдана.
3. Профайлын зураг дээр дарж шинэ зураг оруулаад Хадгалах товчийг дарна.
4. Нэр дээр дарж, нээгдсэн Нэр өөрчлөх цонхонд нэрээ засаад Үргэлжлүүлэх товчийг дарна.

Энэ бол панел дээрх таны нэр юм. Анхдагчаар Facebook-ийн нэр тань байдаг ч өөрчилж болно.

Login Accounts таб дээр панел руу нэвтрэхэд ашигладаг хаягууд харагдана:

• Facebook: холбогдсон Facebook хаяг. Салгах товчоор салгана.
• Google: Холбох товчоор Google хаягаа холбоно.
• Email: Засах товчоор имэйл хаягаа өөрчилнө.

Баруун дээд буланд байрлах асуултын тэмдэгтэй дүрс дээр дарахад хоёр холбоос гарна:

• YouTube суваг: Smartbot-ын заавар бичлэгүүдийг үзнэ.
• Facebook групп: заавар бичлэгүүд болон бусад хэрэглэгчдийн асуусан асуултуудыг үзнэ.