Чатбот болон AI-ийн ялгааг ойлгох
Чатбот товчлуураар урьдчилан бэлдсэн мэдээлэл өгдөг бол AI чөлөөтэй бичсэн асуултад хүн шиг хариулдаг. Ялгааг бодит жишээгээр үзнэ.
Чатбот, AI хоёрыг ихэвчлэн хольж ярьдаг. Энэ бичлэгт Smartbot-ын өөрийн Facebook пэйж рүү чат бичиж, хоёулаа хэрхэн ажилладгийг бодит жишээгээр харуулна.
Чатбот хэрхэн ажилладгийг харах
Smartbot-ын Facebook пэйж рүү мессеж бичиж, Get started товчийг дарна. Чатбот товчлуур бүхий мессежүүд илгээнэ. Жишээ нь “Та өмнө пэйж хуудсандаа чатбот ашиглаж байсан уу?” гэж асуугаад Тийм, Үгүй, анх удаа гэсэн сонголт өгнө.
Товчлуур сонгох бүрт пэйжийн урьдчилан бэлдсэн мэдээлэл ирнэ. Жишээ нь Үнэ товчийг дарахад 1 сараар, 6 сараар, 1 жилээр авах сонголтууд гарч ирнэ.
Энэ үйл явцыг чатбот гэж нэрлэдэг. Өөрөөр хэлбэл, чатбот урьдчилан бэлдсэн мэдээллийг хэрэглэгчид харуулдаг. Чатботыг хэрэглэгчдэд мэдээлэл өгөх, борлуулалтаа нэмэгдүүлэх, пэйжээ автоматжуулах зорилгоор ашигладаг.
AI хэрхэн хариулдгийг харах
AI тохируулсан пэйжид Get started товч дармагц AI мэндэлж, үйлчилгээний үнэ, онцлог, чатботын нэмэлт чадвар, бүртгэл, төлбөр төлөх заавар зэрэг ямар сэдвээр мэдээлэл өгч чадахаа бичиж илгээнэ.
Үүний дараа товчлуур хайх шаардлагагүй, асуултаа чөлөөтэй бичнэ. Бичлэгт “uniin huvid hed ve” (үнийн хувьд хэд вэ) гэж латинаар бичихэд AI яг тэр асуултад тохирсон үнийн мэдээллийг шууд хариулсан.
Хариуг автоматжуулсан хиймэл оюун ухаан өгдөг ч харилцаа яг хүнтэй ярьж байгаа мэт явагдана.
Гол ялгаа
- Чатбот: хэрэглэгч товчлуур дарж, урьдчилан бэлдсэн мэдээллийг авна. Жишээ нь үнийн мэдээлэл авахын тулд Үнэ товчийг дарна.
- AI: хэрэглэгч “үнийн мэдээлэл авъя” гэж бичихэд л хангалттай. AI асуултыг ойлгож, хүнтэй чатлаж байгаа мэт хариулна.
- AI-д ч мөн мэдээллээ урьдчилан бэлдэж өгдөг. Ялгаа нь AI яг хүн шиг харилцан яриа үүсгэдэгт оршино.
Асуулт, сэтгэгдэл
Ачаалж байна…